די אי”פּ־איינסן
דער געבוי פֿון די ביבליאָגראַפֿישע פֿאַרצייכענונגען (אָדער אי”פּ־איינסן) איז באַשטימט געוואָרן לויט די ספּעציפֿישע פֿאָדערונגען פֿון דער אַרבעט איבער מאַטעריאַלן פֿון דער ייִדישער פּרעסע אין אירע פֿאַרשיידענע תּקופֿות. אַ דאַנק דעם געבוי קען דער באַניצער געניסן פֿון גאָר ווירקעוודיקע נאָכזוך־מכשירים.
אָפּקלײַב פֿון די אינדעקסירטע דרוקאיינסן
ווי אַ כּלל האָט מען פֿאַרשריבן נאָר געחתמעטע מאַטעריאַלן (דורך איין מחבר אָדער מער, דורך איבערזעצערס, באַאַרבעטערס, צוזאַמענשטעלערס) מיט אַ נאָמען אָדער מיט אַ פּסעוודאָנים: אַרטיקלען, פֿעליעטאָנען, רעצענזיעס, בעלעטריסטיק אאַז”וו.
קורצע קאָרעספּאָנדענצן, נאָטיצן, נײַעס און אויפֿרופֿן האָט מען פֿאַרשריבן נאָר ווען זיי זענען געחתמעט דורך באַקאַנטע מחברים אָדער ווען זיי באַהאַנדלען טעמעס אין שײַכות מיט ייִדישער ליטעראַטור, טעאַטער אָדער שפּראַך אויף ייִדיש אָדער העברעיִש, וויכטיקע ייִדישע פּערזענלעכקייטן צי אינסטיטוציעס, געשעענישן צי דערשײַנונגען וואָס האָבן געהאַט אַ שטאַרקע השפּעה אויף ייִדישע קיבוצים איבער דער וועלט.
אַנאָנימע אַרטיקלען, נאָטיצן, גראַפֿישע מאַטעריאַלן זענען פֿאַרצייכנט געוואָרן ווען זיי באַהאַנדלען ענינים פֿון ליטעראַטור, טעאַטער, קולטור אויף ייִדיש אָדער העברעיִש.
רעקלאַמעס און אַנאָנסן מכּל־המינים זענען אין גאַנצן נישט פֿאַרצייכנט געוואָרן.
געבוי פֿון די ביבליאָגראַפֿישע איינסן
די ביבליאָגראַפֿישע איינסן נעמען אַרײַן די ווײַטערדיקע פּרטים:
- אויטאָר
- קעפּל / רובריק
- זשאַנער
- פּובליקאַציע
- דאַטירונג
- טעמע
- פֿאַרבינדן
לייענט אַ פּרטימדיקע באַשרײַבונג פֿון די אַלע פּאָזיציעס, זייערע ברירות און וואַריאַנטן, און די רעדאַקציאָנעלע באַשלוסן אין שײַכות מיט יעדער איינער פֿון זיי.
טעמאַטישער רײַסטער
בײַם פֿאַרצייכענען אַ טעמע צי עטלעכע טעמעס אין די איינסן איז מען אויסן געווען צו דערמעגלעכן יעדן באַניצער לײַכטער צו געפֿינען צווישן דער ריזיקער צאָל אינדעקסירטע דרוק־מאַטעריאַלן יענע ספּעציפֿישע טעמעס וואָס קענען פֿאַראינטערעסירן דעם הײַנטיקן פֿאָרשער און לייענער.
דאָס חשיבֿות פֿון די ייִדישע ענינים (שרײַבערס, פּערזענלעכקייטן, שטעט, אידעאָלאָגיעס, פּאַרטייען, געשעענישן אאַז”וו) אינעם לעבן פֿון די ייִדישע קיבוצים איז געווען די הויפּט־קריטעריע בײַם צושרײַבן אַ טעמע.
לייענט ווײַטער וועגן טעמעס אינעם אי”פּ – קריטעריעס און פּרטימדיקע בײַשפּילן.
דירעקטער נאָכזוך אין אי"פּ
לעצטע נײַעס